GMC ចេញកំពូល SUV ថ្មី មកជាមួយមុខងារពិសេសប្លែកគេ Super Cruise
- 2022-05-04 02:58:44
- ចំនួនមតិ 0 | ចំនួនចែករំលែក 0
GMC ចេញកំពូល SUV ថ្មី មកជាមួយមុខងារពិសេសប្លែកគេ Super Cruise
ចន្លោះមិនឃើញ
GMC បានប្រកាសចេញនូវកំពូលរថយន្ត SUV ថ្មីរបស់ខ្លួនម៉ូដែល Yukon Denali Ultimate ឆ្នាំ២០២៣ ដែលរូបរាងទាំងក្រៅ និងក្នុង និងបច្ចេកវិទ្យាសុទ្ធតែថ្មីទំនើបពិសេសតែម្តង។
រថយន្តនេះរំលេចដោយពណ៌ខ្មៅរលើប មើលទៅផ្នែកខាងមុខរបស់វាគឺធំកាចគួរសម ដោយប៉ាណាជាសំណាញ់មានឡូហ្គូ GMC នៅចំកណ្តាល និងចង្កៀងបញ្ឈរសងខាង។
អ្វីដែលជាកំណែប្រែថ្មីដ៏ធំគឺនៅផ្នែកខាងក្នុងដែលត្រូវបានឌីហ្សាញយ៉ាងទំនើបគួរឱ្យទាក់ទាញមែនទែន។ កៅអី៣ជួររបស់វាគឺជាកៅអីពូកស្បែកពិសេស ហើយកៅអីនីមួយៗសុទ្ធតែមានមុខងារពិសេសដើម្បីផ្តល់ផាសុកភាពដល់អ្នកដំណើរ។ វាបំពាក់ speaker Bose ១៨គ្រាប់ ក្នុងនោះវាមាន speaker បំពាក់នៅផ្នែកខាងលើនៃកៅអីអ្នកដំណើរខាងមុខទៀតផង។
មុខងារមួយដែលគេចាប់អារម្មណ៍បំផុតនោះ គឺ Super Cruise ដែលជាបច្ចេកវិទ្យាជំនួយដល់អ្នកបើកបរ ពោលគឺវាអាចផ្លាស់ប្តូរគន្លងផ្លូវដោយអូតូ និងមានមុខងារពិសេសមួយទៀតសម្រាប់ការអូសសណ្តោង។ តែយ៉ាងណាសម្រាប់មុខងារ Super Cruise នេះ គឺវាដំណើរការបានល្អត្រឹមត្រូវតែលើផ្លូវក្នុងសហរដ្ឋអាមេរិក និងកាណាដាតែប៉ុណ្ណោះ។
រថយន្ត Yukon Denali Ultimate ប្រើម៉ាស៊ីន V8 ចំណុះ ៦,២លីត្រ ផលិតបានកម្លាំង ៤២០សេះ និងមានជម្រើសម៉ាស៊ីនម៉ាស៊ូតទាក់បូ ចំណុះ ៣,០លីត្រ ផលិតបានកម្លាំង ២៧៧សេះ ដំណើរដោយប្រអប់លេខអូតូ ១០វគ្គ រត់ប៉ុង២។
ចំពោះតម្លៃវាវិញ GMC មិនទាន់បានទម្លាយឱ្យដឹងនៅឡើយទេ ប៉ុន្តែគេរំពឹងថា វានឹងមានតម្លៃចាប់ពី ៩២ ០០០ដុល្លារ៕