Highlander 2023 ចេញហើយ តែបងប្អូនខ្លះអាចខកចិត្តខ្លាំងចំពោះម៉ាស៊ីនថ្មីរបស់វា

2022-05-12 02:34:23
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្ត SUV ធុនកណ្តាលរបស់ Toyota ដែលទទួលបានការពេញនិយមខ្លាំងរយៈពេលជាច្រើនឆ្នាំមកហើយនោះ ពេលនេះគឺវាចេញស៊េរីថ្មីទៀតហើយ ពោលគឺជា Toyota Highlander ឆ្នាំ២០២៣ ដែលរក្សារូបរាងដដែល ប៉ុន្តែមកជាមួយម៉ាស៊ីនថ្មី ដែលជាការផ្លាស់ប្តូរដ៏គួរឱ្យភ្ញាក់ផ្អើលបំផុត។

ម៉ាស៊ីនចាស់វស្សា V6 ចំណុះ ៣,៥លីត្ររបស់ Highlander ពេលនេះត្រូវបានជំនួសមកវិញដោយម៉ាស៊ីនតូចជាងមុនតែបំពាក់បច្ចេកវិទ្យាថ្មីនោះគឺ ម៉ាស៊ីនទាក់បូ V4 ចំណុះ ២,៤លីត្រ។ កាន់តែខកចិត្ត បច្ចេកវិទ្យាទាក់បូនេះ មិនបានជួយជំរុញកម្លាំងសេះបានខ្លាំងជាងមុននោះទេ ពោលគឺផលិតបានត្រឹមតែ ២៦៥សេះ បើប្រៀបធៀបនឹងម៉ាស៊ីនមុនដែលផលិតបានកម្លាំងរហូតដល់ ២៩៥សេះ។ តែយ៉ាងណា វាមានកម្លាំងរមួលធំជាងមុន។ កម្រិតស៊ីសាំងប្រហែល ៦,៥លីត្រ/១០០គីឡូម៉ែត្រ។

ចំណែកផ្នែកខាងក្នុងវិញ គឺវាបំពាក់បច្ចេកវិទ្យាថ្មី ដោយកុងទ័រ ៧អ៊ីញពីមុន ជំនួសដោយកុងទ័រឌីជីថលទំហំ ១២,៣អ៊ីញ។ កុងទ័រថ្មីនេះដែរ គឺមានបង្ហាញនូវMode ដូចជា Casual, Smart, Tough និង Sporty។ ចំណែកប្រព័ន្ធកម្សាន្ត Touchscreen វិញក៏មានទំហំដល់ ១២,៣អ៊ីញ សម្រាប់ option ខ្ពស់ តែបើ option ទាបដូចជា XLE និង XSE មាន Touchscreen ទំហំតែ ៨អ៊ីញប៉ុណ្ណោះ។ វាមានចំណុចមួយគួរឱ្យចាប់អារម្មណ៍ផងដែរចំពោះ Touchscreen នេះ គឺវាភ្ជាប់មកជាមួយប្រព័ន្ធ Toyota Audio Multimedia system ដែលបំពាក់នៅលើ Tundra 2022។

ចំណុចខកចិត្តមួយទៀតរបស់ Highlander ស៊េរីថ្មីនេះដែរ គឺវាបំពាក់ប្រព័ន្ធសុវត្ថិភាព Toyota Safety Sense 2.5+ ពោលគឺមិនមែន 3.0 ដូចរថយន្តស៊េរីឆ្នាំ២០២៣មួយចំនួនទៀតរបស់ Toyota ឡើយ។ ប្រព័ន្ធទាំងនោះមានដូចជា ប្រព័ន្ធឱ្យសញ្ញាព្រមានដែលនឹងអាចប៉ះទង្គិចគ្នានៅខាងមុខ, ប្រព័ន្ធគ្រប់គ្រងល្បឿនអូតូ, ប្រព័ន្ធឱ្យសញ្ញាពេលរេចង្កូតចេញពីគន្លង, មុខងារសម្គាល់ផ្លាកសញ្ញាចរាចរណ៍, មុខងារ Blind-spot, ប្រព័ន្ធជំនួយចូលចតជាមួយហ្វ្រាំងអូតូ និងភ្លើងហ្វាអូតូជាដើម។