រថយន្ត​ Honda HR-V ឆ្នាំ២០២២ ជំនាន់ទី៣ ត្រូវបាន​ដាក់​លក់​នៅ​ទីផ្សារ​បរទេស​រួចមកហើយ ជាមួយគ្នានោះ នៅ​ប៉ុន្មាន​សប្តាហ៍ខាងមុខ ​រថយន្ត​នេះ​ចំនួន២ optionទៀត គឺ Vi X និង e-HEV L នឹង​ត្រូវ​ដាក់លក់​ផងដែរ​ នៅទីផ្សារ​ប្រទេស​អូស្ត្រាលី។

សម្រាប់ HR-V Vi X ប្រើ​ម៉ាស៊ីន​ចំណុះ ១,៥លីត្រ ផលិតបានកម្លាំង ១១៩សេះ និង​កម្លាំង​រមួល ១៤៥ញ៉ូតុនម៉ែត្រ ដែលមានកម្រិត​ស៊ីសាំង ៥,៨លីត្រ/១០០គីឡូម៉ែត្រ។ តម្លៃវាគឺជាង ២៧ ០០០ដុល្លារ​អាមេរិក។

រថយន្ត​នេះ បំពាក់​ប្រព័ន្ធ​សុវត្ថិភាព​ដូចជា ​ប្រព័ន្ធ​ឱ្យសញ្ញា​ពេលមាន​ឧបសគ្គ​ខាងមុខ​ដែល​នឹង​អាច​ប៉ះទង្គិចគ្នា, ប្រព័ន្ធ​ហ្វ្រាំង​ស្វ័យប្រវត្តិ​ក្រោយពេល​ប៉ះគ្នា​ដើម្បីចៀសវាង​កុំឱ្យបន្ត​ទៅប៉ះយានយន្ត​ដទៃ, ប្រព័ន្ធ​ជំនួយ​រថយន្ត​ឱ្យបើកក្នុង​គន្លងត្រឹមត្រូវ, ប្រព័ន្ធ​ព្រមាន​ពេល​រថយន្ត​ចេញពីគន្លង, ប្រព័ន្ធ​គ្រប់គ្រងល្បឿន​ស្វ័យ​ប្រវត្តិធៀបនឹង​ល្បឿន​រថយន្ត​ខាងមុខ, ប្រព័ន្ធគាំទ្រភ្លើងហ្វា ​មុខងារ​សម្គាល់​ផ្លាកសញ្ញាចរាចរណ៍ និង​ប្រព័ន្ធជំនួយ​ពេលឡើងចំណោត។ វាបំពាក់​ប្រព័ន្ធ​កម្សាន្ត Touchscreen ទំហំ ៩អ៊ីញ យ៉ាន់កង់ទំហំ ១៩អ៊ីញ និង​កញ្ចក់ pivacy glass ជាដើម។

ចំណែក​រថយន្ត Honda HR-V option e-HEV L ជាប្រភេទ Hybrid ប្រើម៉ាស៊ីនស៊ីឡាំង៤ ចំណុះ ១,៥លីត្រ​ បំពាក់​ម៉ូទ័រ​អគ្គិសនី​មួយ​ ផលិត​បានកម្លាំង​សរុប ១២៩សេះ និង​កម្លាំង​រមួល ២៥៣ញ៉ូតុនម៉ែត្រ ដែលមាន​កម្រិតស៊ីសាំង ៤,៣លីត្រ/១០០គីឡូម៉ែត្រ។ តម្លៃ​របស់ option នេះ គឺជាង ៣៣ ០០០ដុល្លារអាមេរិក។

វាមាន​លក្ខណៈពិសេស​ច្រើនជាង option Vi X ដូចជាបំពាក់មុខងារ Blind Spot, ប្រព័ន្ធឱ្យសញ្ញាពេល​មាន​អ្វីមួយនៅពីក្រោយ ក្នុងពេលរយែរ, ប្រព័ន្ធជំនួយ​ល្បឿនវៃឆ្លាត, បើកទ្វារក្រោយដោយគ្រាន់ប្រើជើងគ្រវី, ផ្លិតទឹក​អូតូ, កញ្ចក់មើលក្រោយ​ការពារភ្លើងហ្វាអូតូ, ដៃចង្កូតស្បែក, កម្តៅពូក និងដៃចង្កូតជាដើម៕

អត្ថបទ៖ សំភី