Jeep ដែល​ស្ថិតក្រោមការគ្រប់គ្រង​របស់​ក្រុមហ៊ុន Stellantis បាន​ទម្លាយ​ចេញ​នូវ​រូបភាព​ដំបូង​បំផុត​នៃ​រថយន្ត​អគ្គិសនី​ទីមួយ​របស់ខ្លួន ដែល​គ្រោង​​ផលិត​នៅឆ្នាំ​២០២៣។ តែយ៉ាងណា​ Jeep មិនបាន​បញ្ជាក់លម្អិត​អំពី​ Spec ទំហំអាគុយ ក៏ដូចជាឈ្មោះ​រថយន្តអគ្គិសនី​នេះឡើយ។

បើមើលតាមរូបភាព​ដែលបង្ហាញ​មកនេះ ឃើញថា​រថយន្តអគ្គិសនី Jeep នេះមាន​រូបរាង Cute ពណ៌លឿង គួរឱ្យស្រលាញ់​មែនទែន ជារូបរាងរថយន្តបែបអនាគត។ ចំណុចដែលទាក់ទាញនោះដូចជា យ៉ាន់កង់ និងផ្នែកខាងមុខ​ម្តុំចង្កៀងដែល​ជាការឌីហ្សាញ​ថ្មី Unique តែម្តង ហើយប៉ាណា​នៅជាប់ជាមួយកាងខាងក្រោម។ ឯចង្កៀង​ក្រោយ​ ក៏មានការ​រចនា​បែបថ្មីទាន់សម័យផងដែរ។

ចំណែក​ផ្នែកខាងក្នុង​រថយន្ត​វិញ មិនត្រូវបាន​បង្ហាញ​ឱ្យឃើញឡើយថា ដៃចង្កូត កុងទ័រ និងប្រព័ន្ធកម្សាន្ត Touch មាន​រូបរាង​បែបណានោះ។

​ជាមួយគ្នានោះដែរ Stellantis ក៏បាន​បញ្ចេញ​នូវរូបភាព​បង្ហាញ​ពីតម្រុយ​រថយន្ត Ram ProMaster ដែលជារថយន្ត​អគ្គិសនីផងដែរ គ្រោង​ផលិត​នៅចុងឆ្នាំ​២០២៣ បន្ទាប់ពីបង្ហាញ​ចេញរួចមកហើយ​នូវរថយន្តភីកអាប់​អគ្គិសនី Ram 1500៕

អត្ថបទ៖ សំភី