ក្រុមហ៊ុនចិន BAIC គ្រោង​ចេញ​រថយន្ត​ថ្មីមួយរបស់ខ្លួន​គឺម៉ូដែល BJ60 ដែល​មើលទៅមួយភ្លែត​គឺ​ស្រដៀងនឹង Ford Bronco ផងដែរ។ កន្លងមក BAIC បាន​ចេញរថយន្ត​ម៉ូដែល BJ40 និង BJ80 រួចមកហើយ ដូច្នេះ BJ60 អាច​នឹង​ជារថយន្ត​ដែល​ស្ថិតនៅចន្លោះនេះ។

តាមរយៈ​រូបភាព Teaser ដែល BAIC បាន​បង្ហាញឱ្យដឹង​ថា រថយន្ត BJ60 នឹង​មាន​ប៉ាណាធំ​ដូចឡាន Jeep និង​បំពាក់​អំពូល daytime running light ធ្វើឱ្យការឌីហ្សាញជាបែប Unique។

រថយន្ត​ដែល​មាន​រូបរាង​បែប​ប្រអប់ និង​ off-road នេះ មាន​ប្រវែង ៥០២០មម ទទឹង ១៩២៥មម និង​កម្ពស់ ១៩៥៥មម ហើយ​ប្រវែង​ពីកង់មុខ​ទៅកង់ក្រោយ ២៨០០មម។

BAIC BJ60 នឹង​ប្រើម៉ាស៊ីន​ទាក់បូ​ចំណុះ ២,០លីត្រ រួមជាមួយ​នឹង​បច្ចេកវិទ្យា Mild-Hybrid 48V និង​ប្រអប់លេខ​អូតូ ៨វគ្គ។ វាក៏នឹង​មានជម្រើស​ម៉ាស៊ីនម៉ាស៊ូតទាក់បូ ចំណុះ ២,០លីត្រ​ជាមួយ​ Mild-Hybrid 48V ផងដែរ៕

អត្ថបទ៖ សំភី