ទាយមើល តម្លៃប៉ុន្មាន? Honda ADV350 ឆ្នាំ២០២២ មកដល់ខ្មែរហើយ

2022-04-19 07:15:45
ចំនួនមតិ 0 | ចំនួនចែករំលែក 0

ចន្លោះមិនឃើញ

Honda ADV350 ឆ្នាំ២០២២ បានមកដល់ក្ដៅៗនេះបើតាមការបង្ហាញពីហាងលក់ម៉ូតូនៅម្ដុំគិរីរម្យ បន្ទាប់ពីបង្ហាញខ្លួននៅក្នុងប្រទេសថៃ ជាមួយរូបរាងដ៏ទាក់ទាញនិងមានចំណុចពិសេសជាច្រើន។

ADV350 បំពាក់ចង្កៀង LED មានកញ្ចក់បាំងខ្យល់ មានដែកសងខាងម៉ូតូសម្រាប់កាន់ កុងទ័រឌីជីថល រន្ធសាកថ្មទូរសព្ទ USB ឃ្លុបក្រោមកែប អាចផ្ទុកបានចំណុះ ៤៨លីត្រ ឬអាចដាក់មួកសុវត្ថិភាពបានដល់២ឯណោះ។ ចំពោះវត្តមានមកដល់របស់Honda ADV350 urban racer edition ឆ្នាំ២០២២ នេះតម្លៃវិញនៅមិនទាន់បានបង្ហាញនៅឡើយទេ។

មិនខុសពីម៉ូតូ Honda ឆ្នាំ២០២២ដទៃទៀតនោះទេ ADV350 ក៏ប្រើម៉ាស៊ីនថ្មី eSP+ ផងដែរ ដែលមានចំណុះ ៣៣០សេសេ។ រួមជាមួយបច្ចេកវិទ្យាលំដាប់ៗដោយបំពាក់ប្រព័ន្ធបញ្ជាសំឡេងតាមស្មាតហ្វូន ដោយប្រើប្រាស់មុខងារចំនួន៤ ដូចជាការខលទូរសព្ទចេញចូល កម្មវិធីចាក់តន្រ្តី ផែនទី និងការផ្ញើ និងទទួលសារ។ វាបំពាក់ប្រព័ន្ធហ្វ្រាំង ABS មុខក្រោយ សោ Smart Key បញ្ឆេះពីចម្ងាយ និងប្រព័ន្ធការពារពីការលួច។

គូសបញ្ជាក់ថា Honda បានដាក់លក់ម៉ូតូនេះ ក្នុងប្រទេសថៃ ដែលមានតម្លៃជាង ១៨ម៉ឺនបាត ឬជាង ៥ពាន់ដុល្លារអាមេរិក ដោយមាន២ប្រភេទ គឺ RoadSyne និង Standard និងមានជម្រើសពណ៌ ប្រផេះ ទឹកប្រាក់ ក្រហម និងខ្មៅ៕

រូបភាពច្រើនទៀតហ្វេសបុក Oun Tin

អត្ថបទ៖ ម៉េងងី