បើកម៉ូតូកាត់ទឹក មិនចង់ខូចការធំអស់លុយទៅរកជាង ត្រូវចេះវិធីការពារ

2022-05-18 02:01:27
ចំនួនមតិ 0 | ចំនួនចែករំលែក 0

ចន្លោះមិនឃើញ

អាកាសធាតុខែនេះជារដូវវស្សា ងាយរងឥទ្ធិពលព្យុះភ្លៀង។ ការបើកបរក៏ត្រូវប្រយ័ត្ន ដូចជានៅពេលបើកកាត់ទឹក បញ្ហាគួរឲ្យបារម្ភគឺគ្រឿងម៉ាស៊ីននេះឯង។

ម៉ូតូលិចចូលទៅក្នុងទឹកលិចម៉ាស៊ីនហើយរលត់បាត់ ច្បាស់ណាស់វាប្រាកដជាមានបញ្ហាប្រព័ន្ធភ្លើងឬទឹកចូលម៉ាស៊ីន។

លោកណាំ ជាជាងជួសជុលម៉ូតូនៅម្ដុំផ្សារទួលសង្កែបានប្រាប់ថា ប្រសិនបើមានបញ្ហានេះកើតឡើងត្រូវអនុវត្តន៍តាមវិធីដូចខាងក្រោម។

1/ ជិះល្បឿនថេរ

កុំបន្ថយហ្គែរ ត្រូវជិះក្នុងល្បឿនថេរ ព្រោះបើបន្ថយហ្គែរអាចធ្វើឲ្យម៉ាស៊ីនរលត់បាន ហើយក៏មិនគួរបើកក្នុងល្បឿនលឿនពេក ដែលអាចបង្កើតជាទឹករលក ធ្វើឲ្យប៉ះពាល់ដល់ម៉ាស៊ីន។

2/ កុំព្យាយាមបញ្ឆេះម៉ាស៊ីន

ក្នុងករណីដែលម៉ូតូរលត់ មិនត្រូវព្យាយាមបញ្ឆេះនោះទេ គឺត្រូវបណ្ដើរម៉ូតូទៅកាន់ទីទួល ហើយត្រូវឆែកមើលជាបន្ទាន់នូវចំណុចដូចជា ប្រេងម៉ាស៊ីន សំបុក Air, ប៊ូស្ស៊ី និង ខ្សៀវជាដើម កុំព្យាយាមបញ្ឆេះព្រោះវាអាចធ្វើឲ្យមានបញ្ហាធ្ងន់ធ្ងរជាងនេះ។

ដោះមើលក្បាលបូស៊ីឬខ្សែភ្លើងផ្លុំឬជូតវាឲ្យស្ងួត និងពិនិត្យមើលភ្លើងស៊ីញ៉ូមុខក្រោយឬអំពូលភ្លើង។

3/ ត្រួតពិនិត្យប្រព័ន្ធភ្លើង

នៅពេលទឹកលិចចូល ធ្វើឲ្យប្រព័ន្ធភ្លើងរបស់ម៉ាស៊ីនឆ្លងដូចនេះមើលក្បាលបូស៊ីឬខ្សែភ្លើងដែលទាក់ទងនឹងប្រព័ន្ធបញ្ឆេះ។ ត្រូវផ្លុំឬជូតឲ្យស្ងួតនិងពិនិត្យមើលភ្លើងស៊ីញ៉ូមុខក្រោយឬអំពូលភ្លើង។

4/ ត្រួតពិនិត្យប្រេង

បើទឹកចូលវាបញ្ហាដល់ប្រេងម៉ាស៊ីន ត្រូវបង្ហូរវាចេញឲ្យបានស្អាតឬអាចផ្លាស់ប្ដូរចេញដើម្បីឲ្យម៉ាស៊ីនដំណើរការបានស្រួលឡើងវិញ។

5/ ត្រួតពិនិត្យប្រព័ន្ធហ្រ្វាំង

មុនពេលចេញដំណើរអ្នកត្រូវពិនិត្យមើលប្រព័ន្ធហ្រ្វាំងប្រេងហ្រាំ្វងម៉ូតូ ជៀសវាងមានបញ្ហាជាប់គាំនៅពេលធ្វើដំណើរ។

ចុងក្រោយនៅពេលដែលទៅដល់ផ្ទះ ត្រូវលាងសម្អាតកន្លែងដែលមានទឹកកខ្វក់ចូល ព្រោះទឹកទាំងនោះអាចធ្វើឲ្យប៉ះពាល់ដល់ផ្នែកផ្សេងៗនៃម៉ូតូ ដូចជាប្លាស្ទិក និងអាលុយមីញ៉ូម គឺស្លេកពណ៌និងឡើងច្រែះជាដើម៕

អត្ថបទ៖ ម៉េងងី