មិនពិបាកស៉ើប! នេះតម្លៃ Honda Click 160 ឆ្នាំ២០២២ មានលក់នៅខ្មែរ

2022-05-10 03:44:50
ចំនួនមតិ 0 | ចំនួនចែករំលែក 0

ចន្លោះមិនឃើញ

Honda Click ឬ Vario 160 បានមកដល់ទីផ្សារប្រទេសកម្ពុជា និងមានអ្នកទិញជិះរួចមកហើយ។ អ្វីដដែល Click ធ្វើឲ្យមានភ្ញាក់ផ្អើលនោះគឺវាបានផ្លាស់ប្តូររូបរាងទាំងស្រុង ទំនើបគួរឱ្យទាក់ទាញ និងបំពាក់បច្ចេកវិទ្យាថ្មី។

Click ឬ Vario 160 នេះ បំពាក់ចង្កៀងមុខ ក្រោយ LED កុងទ័រប្រភេទឌីជីថល LCD មានរន្ធសាកថ្ម USB និងប្រព័ន្ធបញ្ឆេះម៉ូតូពីចម្ងាយ។ ឃ្លុបក្រោមកែប មានចំណុះ ១៨លីត្រដែលអាចដាក់ឥវ៉ាន់បានច្រើន។

សម្រាប់ទីផ្សារប្រទេសកម្ពុជានៅមានហាងតិចតួចណាស់ដែលបាននាំចូលយកមកលក់ និងមានហ្វេនៗជាច្រើន ចង់ទិញប៉ុន្តែតាមដំណឹង វាក៏មានតម្លៃថ្លៃគួរសម។ តាមប្រភពពីអ្នកទិញជិះមួយរូបបានប្រាប់ Honda Click ឬ Vario 160 ស៊េរីថ្មីមានតម្លៃខ្ទង់ ៤ ៦០០ដុល្លារ ជាប្រភេទហ្រ្វាំង ABS។

ម៉ូតូ Honda Click ឬ Vario 160 នេះ ប្រើម៉ាស៊ីន eSP+ ចំណុះ ១៥៧សេសេ ផលិតបានកម្លាំង ១៥,១៥សេះ និងកម្លាំងរមួល ១៣,៨ញ៉ូតុនម៉ែត្រ។ ចំពោះកម្រិតស៊ីសាំងគឺ១លីត្រជិះបាន ៤៦,៩គីឡូម៉ែត្រ។ វាក៏បំពាក់ប្រព័ន្ធសុវត្ថិភាពដូចគ្នាដែរ ដូចជា HSTC ដែលជាប្រព័ន្ធគ្រប់គ្រងរង្វិលកង់មិនឱ្យទួង ហើយបានបំពាក់គ្រោងឆ្អឹងថ្មី eSAF៕

អត្ថបទ៖ ម៉េងងី