Lexus គ្រោង​នឹង​បញ្ចេញ​ SUV ថ្មី​មួយទៀត​គឺ​ត្រកូល TX កៅអី៣ជួរ ដោយ​ទំហំវា​​ស្ថិតនៅ​ចន្លោះ​កណ្តាល​រវាង RX និង GX។

ប្រភព​មួយ​បាន​ប្រាប់ Automotive News ថា​រថយន្ត​​ត្រកូល​ TX នេះ​ នឹង​ត្រូវ​អភិវឌ្ឍ​ឡើង​ដោយផ្អែក​លើរថយន្ត Toyota Grand Highlander ដែល​ទំហំ​រថយន្ត​នេះ ស្ថិតនៅ​ចន្លោះ​កណ្តាល​រវាង Highlander និង Sequoia។

ទាំង​ TX និង Grand Highlander នឹងត្រូវ​ផលិត​នៅរោងចក្រ​របស់ Toyota ក្នុងរដ្ឋ Indiana ហើយ​ដែល​នឹង​បង្ហាញ​ខ្លួន​ជាផ្លូវការ​ក្នុងអំឡុងឆ្នាំ​២០២៣ ហើយ​វានឹង​ត្រូវ​អភិវឌ្ឍ​លើគ្រោង​ឆ្អឹង GA-K ដូចគ្នា។

គួរ​កត់​សម្គាល់​ដែរថា កាលពីឆ្នាំមុន Toyota បាន​ប្រកាស​វិនិយោគ​បន្ថែមនូវទឹកប្រាក់​ប្រមាណ ៨០០លានដុល្លារ​សម្រាប់​រោងចក្រខាងលើ ដើម្បី​ផលិត​រថយន្ត​ SUV ថ្មី២ ដែល​វា​បំពាក់​ប្រព័ន្ធ​បើកបរ​ពាក់កណ្តាល​ស្វ័យ​ប្រវត្តិ​ ប្រព័ន្ធ​បញ្ជា​ចូលចត​ពីចម្ងាយដោយ​ការ​ប្រើស្មាតហ្វូន និង​សោឌីជីថល​ដែល​អាច​ប្រើតាមស្មាតហ្វូន​ផងដែរ៕

អត្ថបទ៖ សំភី