ដំណឹងល្ហិចល្ហៀង! Honda ADV350 2022 មកដល់ខ្មែរថ្មីៗតម្លៃទិញឡាន Prius បាន១គ្រឿង

2022-04-21 07:39:24
ចំនួនមតិ 0 | ចំនួនចែករំលែក 0

ចន្លោះមិនឃើញ

Honda ADV350 ឆ្នាំ២០២២ ដែលបានវត្តមាននៅខ្មែរកាលបីពេលថ្មីៗនេះ តាមដំណឹងវាមានតម្លៃមិនចាញ់ឡានស៊េរីល្មមឡើយ។ បន្ទាប់ពីបង្ហាញខ្លួននៅក្នុងប្រទេសថៃ ជាមួយរូបរាងដ៏ទាក់ទាញនិងមានចំណុចពិសេសជាច្រើន ADV350 បានធ្វើឲ្យអ្នកស្រលាញ់ម៉ូតូប្រភេទនេះកាន់តែចង់ឃើញផ្ទាល់ពិសេសចង់ដឹងពីតម្លៃលក់នៅខ្មែរ ។

ចំពោះវត្តមានមកដល់របស់ Honda ADV350 urban racer edition ឆ្នាំ២០២២ គឺហាងមួយម្ដុំគិរីរម្យបាននាំចូលមកលក់។ ADV350 នេះបំពាក់ចង្កៀង LED មានកញ្ចក់បាំងខ្យល់ មានដែកសងខាងម៉ូតូសម្រាប់កាន់ កុងទ័រឌីជីថល រន្ធសាកថ្មទូរសព្ទ USB ឃ្លុបក្រោមកែប អាចផ្ទុកបានចំណុះ ៤៨លីត្រ ឬអាចដាក់មួកសុវត្ថិភាពបានដល់២ឯណោះ។

បើតាមដំណឹងល្ហិចល្ហៀងរបស់ Honda ADV350 urban racer edition ឆ្នាំ២០២២ នេះតម្លៃវិញនៅមិនទាន់បានបង្ហាញនៅឡើយទេ។ តែក៏មានអ្នកខ្សឹបប្រាប់ Sabay ថាវាអាចមានតម្លៃខ្ទង់ ១ ១០០០ដុល្លារ កំពុងដាក់លក់ខ្មែរ។ បើអីចឹងមែននោះតម្លៃនេះអាចទិញឡានមួយទឹកដូចជា Toyota Prius ស៊េរីឆ្នាំល្មមៗបានមួយគ្រឿង។

Honda ADV350 ឆ្នាំ២០២២ នេះប្រើម៉ាស៊ីនថ្មី eSP+ ដែលមានចំណុះ ៣៣០សេសេ។ រួមជាមួយបច្ចេកវិទ្យាលំដាប់ៗដោយបំពាក់ប្រព័ន្ធបញ្ជាសំឡេងតាមស្មាតហ្វូន ដោយប្រើប្រាស់មុខងារចំនួន៤ ដូចជាការខលទូរសព្ទចេញចូល កម្មវិធីចាក់តន្រ្តី ផែនទី និងការផ្ញើ និងទទួលសារ។ វាបំពាក់ប្រព័ន្ធហ្វ្រាំង ABS មុខក្រោយ សោ Smart Key បញ្ឆេះពីចម្ងាយ និងប្រព័ន្ធការពារពីការលួច៕

រូបភាពហ្វេសបុក Oun Tin

អត្ថបទ៖ ម៉េងងី