ក្រុមហ៊ុន Honda បាន​ប្រកាស​ចេញ​ម៉ូតូថ្មី​សម្រាប់ប្រចាំ​តំបន់​អឺរ៉ុប គឺ​ម៉ូដែល ST125 Dax Minimoto ឆ្នាំ​២០២៣ ដែល​រូបរាង​របស់​វាបែបក្លាស៊ីក ដោយ​វាបាន​វិលត្រឡប់​មកវិញ បន្ទាប់ពីបាត់ខ្លួនរាប់សិបឆ្នាំ។

ម៉ូតូត្រកូល ST ​ត្រូវបាន​ចេញល​ក់​នៅ​អឺរ៉ុប​ដំបូង​ក្នុងឆ្នាំ​១៩៦៩ ដែលមានជម្រើសម៉ូដែល ៥០សេសេ និង ៧០សេសេ។

ឯ​ម៉ូតូ ST125 Dax ថ្មីនេះ ប្រើម៉ាស៊ីន SOCH ចំណុះ ១២៤សេសេ ផលិតបាន​កម្លាំង ៩,២៥សេះ និង​កម្លាំងរមួល ១០,៨ញ៉ូតុនម៉ែត្រ អាចមូលកប់ដល់ល្បឿន ៨៨គីឡូម៉ែត្រ​/១ម៉ោង។ វាជាប្រភទម៉ូតូ​ប្រើចង្កឹះលេខ ៤វគ្គ។ ធុងសាំង​វាផ្ទុកបានតែ ៣,៧លីត្រ ប៉ុន្តែដោយ​សារវាប្រព័ន្ធប៊ិចសាំង PGM Fi គឺកម្រិតស៊ីសាំងតិចមែនទែន ដោយ ១០០គីឡូម៉ែត្រ ស៊ីតែ ១,៥លីត្រប៉ុណ្ណោះ។

កាន់តែគួរឱ្យចាប់អារម្មណ៍នោះ ម៉ូតូ Honda ថ្មីនេះ បំពាក់​ចង្កៀង LED កុងទ័រឌីជីថល LCD និង​ប្រព័ន្ធហ្វ្រាំង ABSទៀតផង។

ទោះជាយ៉ាងណា Honda មិនបាន​ទម្លាយពីតម្លៃម៉ូតូនេះឡើយ ដោយ​វា​នឹង​ត្រូវដាក់លក់​ជាមួយនឹង​ជម្រើសពណ៌២ គឺក្រហម និង​ប្រផេះ៕

អត្ថបទ៖ សំភី