Toyota RAV4 2023 នឹងញាត់បច្ចេកវិទ្យាថ្មីៗ ផ្តោតខ្លាំងលើអេក្រង់
- 2022-03-01 04:22:15
- ចំនួនមតិ 0 | ចំនួនចែករំលែក 0
Toyota RAV4 2023 នឹងញាត់បច្ចេកវិទ្យាថ្មីៗ ផ្តោតខ្លាំងលើអេក្រង់
ចន្លោះមិនឃើញ
ក្រុមហ៊ុន Toyota នឹងដាក់បច្ចេកវិទ្យាថ្មីៗចូលទៅក្នុងរថយន្ត SUV ថ្មីរបស់ខ្លួន គឺម៉ូដែល RAV4 ឆ្នាំ២០២៣ ខុសពីស៊េរីឆ្នាំ២០២២ ដែលកែប្រែតិចតួចរូបរាងខាងក្រៅ និង Spec មួយចំនួន ខណៈដែលគូប្រជែងដូចជា Honda បាននឹងកំពុងធ្វើការយ៉ាងខ្លាំងទៅលើ CR-V។
យោងតាមប្រភពសារព័ត៌មានជប៉ុន បង្ហាញឱ្យដឹងថា រថយន្ត RAV4 ជំនាន់ថ្មី នឹងបំពាក់អេក្រង់ធំជាងមុនទាំងកុងទ័រឌីជីថល និងប្រព័ន្ធកម្សាន្ត Touchscreen។ ក្នុងនោះសម្រាប់ option G (Z Package) និង Adventure នឹងបំពាក់កុងទ័រឌីជីថល ១២,៣អ៊ីញ ខណៈបច្ចុប្បន្នវាមានទំហំតែ ៧អ៊ីញប៉ុណ្ណោះ។
ដោយឡែកសម្រាប់ RAV4 X ក្នុងប្រទេសជប៉ុន កុងទ័រឌីជីថលមានទំហំតែ ៤,២អ៊ីញ ហើយ GX និង GXL នៅក្នុងប្រទេសអូស្ត្រាលី នឹងមានទំហំ ៧អ៊ីញ។
ជាមួយគ្នានេះ ប្រព័ន្ធកម្សាន្ត Touchscreen ថ្មីរបស់ RAV4 2023 ក៏នឹងមានទំហំដល់ ១០,៥អ៊ីញ ដែលគេបានឃើញរួចមកហើយនៅលើ Toyota Noah និង Voxy ខណៈ RAV4 បច្ចុប្បន្នមានអេក្រង់នេះទំហំ ៨ និង ៩អ៊ីញ។ អេក្រង់នេះក៏អាចភ្ជាប់ជាមួយ sateliite navigation, Wi-Fi, Apple Carplay និង Android Auto។
ក្រៅពីនេះ Toyota RAV4 ជំនាន់ថ្មី ក៏នឹងមានរន្ធ HDMI ក្នុងកាប៊ីន ហើយបំពាក់ប្រព័ន្ធហ្វ្រាំងបន្ទាន់ស្វ័យប្រវត្តិថ្មី ក៏ដូចជាប្រព័ន្ធគ្រប់គ្រងល្បឿនស្វ័យប្រវត្តិធៀបនឹងរថយន្តខាងមុខ ដែលសុទ្ធតែកែប្រែថ្មីកាន់តែប្រសើរឡើង។
តែយ៉ាងណាក៏ដោយ ចំពោះកម្លាំងម៉ាស៊ីនវិញ គឺនឹងពុំមានការផ្លាស់ប្តូរអ្វីនោះទេ ពោលគឺរថយន្តស៊េរីថ្មីនេះ នឹងបន្តប្រើជម្រើសម៉ាស៊ីនទាក់បូចំណុះ ២,០លីត្រ, ម៉ាស៊ីនសាំងចំណុះ ២,៥លីត្រ និងម៉ាស៊ីន Hybrid ចំណុះ ២,៥លីត្រ៕