ឡាន SUV ថ្មីរបស់ Hyundai តម្លៃខ្ទង់ ២៨០០០ដុល្លារ វាយលុកក្នុងទីផ្សារអាស៊ាន

2022-03-18 02:30:08
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្ត Hyundai CRETA ជាប្រភេទ SUV ថ្មីរបស់ក្រុមហ៊ុនកូរ៉េមួយនេះ ដែលផ្តោតខ្លាំងទៅលើអតិថិនក្នុងទីផ្សារអាស៊ាន។ រថយន្តនេះ ត្រូវបានដំឡើងនៅក្នុងប្រទេសឥណ្ឌូណេស៊ី ហើយត្រូវបាននាំចូលទៅលក់នៅប្រទេសថៃ ដែលមានតម្លៃចាប់ពី ៩៤៩ ០០០បាត ឬជាង ២៨ ០០០ដុល្លារអាមេរិក។

រថយន្ត SUV ៥កៅអីនេះ ត្រូវបានឌីហ្សាញរូបរាងប្លែកថ្មីហើយស្អាតទាក់ទាញពិសេសចង្កៀងមុខ និងអំពូល daytime running light ព្រមទាំងប៉ាណាបែប unique ហៅថា Parametric Jewel Radiator Grille។ ផ្នែកខាងក្នុងផ្តល់នូវបរិយាកាសបែប Premium ដៃចង្កូតមានប៊ូតុងសម្រាប់ចុចបញ្ជា កុងទ័រឌីជីថលទំហំ ១០,២៥អ៊ីញ ប្រព័ន្ធកម្សាន្ត Touchscreen ទំហំ ៨អ៊ិញ អាចភ្ជាប់ Apple CarPlay និង Android Auto។

Hyundai CRETA ប្រើម៉ាស៊ីនស៊ីឡាំង៤ ចំណុះ ១,៥លីត្រ ផលិតបានកម្លាំង ១១៥សេះ ជាមួយនឹងប្រអប់លេខ IVT និងមាន Driving Mode ចំនួន៤ ដូចជា Eco, Comfort, Sport និង Smart។

មិនខុសពីរថយន្តទំនើបដទៃទៀតនោះទេ រថយន្ត CRETA បានបំពាក់ប្រព័ន្ធសុវត្ថិភាព Hyundai SmartSense រួមមានដូចជា៖ ប្រព័ន្ធហ្វ្រាំងបន្ទាន់, ប្រព័ន្ធគ្រប់គ្រងដៃចង្កូតស្វ័យប្រវត្តិពេលមានយានយន្តនៅចំហៀងក្រោយវ៉ាជែង, ប្រព័ន្ធជួយឱ្យរថយន្តបើកក្នុងគន្លងត្រឹមត្រូវ, ប្រព័ន្ធកាមេរ៉ាពេលចូលចត, ប្រព័ន្ធហ្វ្រាំងស្វ័យប្រវត្តិពេលរឺយែរ និងប្រព័ន្ធគ្រប់គ្រងភ្លើងហ្វាស្វ័យប្រវត្តិ។ ក្រៅពីនេះ វាក៏បំពាក់ប្រព័ន្ធគ្រប់គ្រងលំនឹង, ហ្រ្វាំង ABS, ប្រព័ន្ធជំនួយពេលឡើងចំណោត, ប្រព័ន្ធឱ្យដំណឹងអំពីសម្ពាធខ្យល់កង់ និងមានពោងសុវត្ថិភាព ៦គ្រាប់។